Не било сѐ мед и млеко во животот на Влатко Плевнеш и на Силвана Мучиќ-Плевнеш, денес познати како дуото „Силви бенд“ со успешна кариера повеќе од 30 години.
Тие ја имаат ќерката Деа Делина која е музичар и веќе се баба и дедо, но на почетокот на врската не им било воопшто лесно.
Поради ромското потекло на Силви, се соочиле со предрасуди, најмногу од семејството на Влатко.
„Само поради неговата упорност, но и затоа што мојата добрина ги смири, не дозволивме никој да ни ја уништи врската“, рече Силви за „Репортер“ во една прилика.
Посилни од кога било, „Силви бенд“ настапија на фестивалот „Макфест“ во Штип на вечерта посветена на хитовите со нивната безвременска „Ангели ме носат“. Силви изгледаше одлично во фустан со деколте и одново ја освои публиката со својот глас и со хитот кој остана да се пее.
Инаку, Силви и Влатко Плевнеш станаа баба и дедо во август во 2024 година. Нивната ќерка Деа Делина на свет го донесе своето прво дете – ќерката Малика.
