Шиме Елез, познат од хрватската емисија „Господин совршен“, бил виден во центарот на Сплит во друштво на атрактивна русокоса. Како што раскажала читателката за хрватскиот портал „24 сата“, двојката лежерно шетала низ градот држејќи се за раце, не криејќи го своето добро расположение. Според неа, станува збор за познатата сплитска инфлуенсерка Клара Черина.
„Насмевката не се симнуваше од нивните лица, изгледаа целосно опуштени и природни, уживаа во заедничката прошетка“, опишала читателката.
Дали станува збор за пријателство или за нешто поразвиено меѓу нив?
„Да, утрово се шетав со прекрасна девојка во Сплит. А потоа спиев попладне и кога се разбудив помислив дека сето тоа било сон. Но, потоа ги видов фотографиите на порталите и сфатив дека тоа, сепак, се случило. Сепак се случила таа прекрасна прошетка со згодната русокоса. За мене, секој ден не е нов ден, туку нов живот“, порачал Шиме за „24 сата“.
Да потсетиме, Шиме до неодамна беше во врска со хрватската пејачка Маја Шупут, а нивната врска беше под лупа на јавноста со месеци. На крајот на мај, пејачката потврди дека раскинале.
„Морам да признаам дека не знам дали тој го проследил настапот бидејќи секој веќе некое време ја живее својата реалност. Знаете како е, секоја приказна има свој почеток и крај, а ние веќе некое време се приближивме до овој вториот дел. Еве, моето искрено сочувство до медиумите и порталите кои останаа без дневна доза вести од шоубизнисот“, рече таа со смеа.
Недолго потоа, се огласи и Шиме, кој за хрватскиот портал „Нет“ кратко порача:
„Маја и јас не ги споделувавме приватните моменти со јавноста. Раскинувањето е наша приватна работа и така ќе остане.“
