Дарко Мијалковски, популарниот музичар и креатор на детскиот фестивал „Супер Ѕвезда“, направи голема животна промена. Тој е син на легендата на македонската поп музика, Драган Мијалковски.
Пред неколку години, токму во времето на Ковид пандемијата, тој реши да си замине од Македонија со неговата сопруга Марија која е инаку доктор, и со ќерката и со синот да замине во Австралија.
Од сликите што ги објавува на социјалните мрежи се гледа дека Мијалковски не се сменил многу, а во една прилика, за неговата животна промена тој напиша:
„Животот е патување и чекор по чекор, и наоѓаме сила еден во друг. Низ секој предизвик и момент на раст, љубовта и поддршката се тие што нè водат. Заедно, откриваме сила за која никогаш не сме знаеле дека ја имаме“, откри Мијалковски до сликата со сопругата која е успешен пластичен хирург.
„Огромна чест е да се биде дел од конференцијата „Фреш“, каде што се споделува обука за здравствени професионалци со фокус на јасна дефиниција со употреба на дермални филери и најновата индикација на Алерган за платизмни ленти и вилична линија“, напиша Д-р Мијалковка на Инстаграм неодамна.
Во една прилика, Мијалковски објави негова стара слика со мајка му и со татко и напиша: „Татко ми е познат музичар. Пораснав опкружен со многу инструменти. Дури и машината за шиење беше Сингерица“. Мијалковски за себеси вели дека работи како дигитален артист, видео продуцент, веб дизајнер, пијанист и текстописец.
Кога лани прославија 19 години брак со Марија, Дарко објави емотивна приказна за сопругата: „Ретко пишувам, но денес е голем ден и имам специјална причина за тоа.
Денес (28.08) славиме 19 неверојатни години заедно со мојата убава сопруга Марија Мијалковска, која е прекрасна мајка на нашите деца. За нас, за нашата љубов и за уште многу години заедно исполнети со радост, смеа и бескрајна љубов“.
