Тони Цетински е роден во град на море, па не е ни чудо што обожава морски плодови. Пејачот пред неколку дена бил во Котор, Црна Гора, каде што ја искористил приликата пред настапот да седне на кејот, да фрли јадица во морето и да си обезбеди вечера. И успеал. По некое време, Тони извлекол риба од морето, а во редакцијата на Курир пристигнале фотографии додека тој ловел риба и уживал во моментот кој го прави среќен.
Со зајдисонцето покрај морето, тој трпеливо чекал и ја дочекал својата здрава вечера. Цетински, како што може да се види на фотографиите, бил воодушевен од уловот, а подоцна ја подготвил рибата и ја изел за вечера.
Досега немавме можност да го видиме пејачот надвор од сцената и без убаво дотерано одело, па неговата разбушавена фризура и кежуал стил нè изненадија. Тој бил во бела маица и шорцеви, а ни се чини дека никогаш немал подолга коса.
