Гога Секулиќ доживеала мала несреќа пред настапот на прослава во Босна и Херцеговина, дознава српски „Курир“. Пејачката несмасно застанала и ја извиткала ногата, поради што се здобила со истегнување.
Според нашиот извор, Гога веднаш побарала медицинска помош, а по прегледот, лекарите привремено ѝ ставиле гипс за да го стабилизираат повредениот зглоб и да спречат дополнителни компликации.
Веднаш по добивањето на медицинска помош, таа отишла на настапот за да покаже почит кон луѓето, седнала на стол и пеела.
Штом се вратила во Белград, пејачката повторно ќе ги контактирала лекарите, кои, според препораката, ќе го заменат гипсот со лонгета и ќе продолжат да го следат нејзиното закрепнување.
За среќа, повредата не е од сериозна природа и се очекува закрепнувањето да помине без проблеми.
Според сознанија на „Курир“, Гога веќе се чувствува подобро и ги следи сите совети на лекарите за што побрзо да се врати на своите секојдневни обврски и на публиката која со нетрпение ги очекува нејзините настапи.
Доколку закрепнувањето оди според планот, пејачката би можела да се врати на настапи и дружење со публиката за десет дена.
