Водителката Александра Пановска – Илиевска изненади со сосема нов имиџ на нејзиниот Фејсбук профил. Кратка коса и потемна боја, но и мотивирачка порака која ја споделила со своите следбеници:
-Ако денот, по утрото се познава, тогаш денешниот ден нека биде како песна“, напиша Александра.
Таа е мајка на Сара која има 4 години, а во една прилика, за „Слободен печат“зборуваше како го запознала сопругот Александар.
-Одамна се запознавме преку заеднички пријатели. Најдрагите сеќавања ми се патувањата. Секогаш и ден-денес останавме исти… не ни е потребно многу за да се решиме и нурнеме во авантура на одредена дестинација.
Сакаме и двајцата да патуваме, да се дружиме и имаме многу голем круг пријатели и секогаш кога правиме одреден план, некој случајно намерно или ненамерно ќе се приклучи.
Со луѓе секогаш и секаде е позабавно. Искрената љубов нѐ спои, а верувам и се надевам дека низ годините ќе ја одржиме“.
