Колинда Грабар Китаровиќ, поранешната претседателка на Р.Хрватска, како што им вети на своите фанови на социјалните мрежи пристигна во Катар и веќе беше дел од навивачите на трибините кога Хрватска играше против Канада (на 27 ноември). Тогаш носеше преубава народна носија во бела боја со црвени везови и секако, привлече внимание.
View this post on Instagram
Но подоцна, на натпреварот помеѓу Бразил и Швајцарија, поранешната претседателка на Хрватска облече преубава кошула во црвено-бели квадратчиња. Повторно привлече внимание со модниот изглед.
Преубавата кошула е од луксузната модна марка Луј Витон.
Станува збор за моделот на Louis Vuitton Giant Damier од минатогодишната колекција кој е речиси распродаден бидејќи на интернет може да се најдат само неколку парчиња.
Инаку, цената на кошулата не е за сечиј џеб, а со достава до Хрватска чини и до 1800 долари.
View this post on Instagram
Дизајнерот на Луј Витон и Оф-Вајт Вирџил Абло е познат по тоа што е голем обожавател на дресот на Хрватска, па минатото лето позираше во кошула со црвено-бели квадрати на отворањето на бутик во Капри.
