Веќе 24 години поминаа откако братот на Сузана Турунџиева го напушти овој свет. Водителката и пејачка по тој повод се сети на својот брат Панде Турунџиев, кој го загуби својот живот на 36-годишна возраст работејќи во Канада.
Панде Турунџиев, според написите во медиумите, најпрво бил киднапиран, па убиен под неразјаснети околности, кои семејството никогаш не ги дознало и до крај никогаш не биле расветлени.
– Нема многу мажи во мојата фамилија, татко ми го загубив многу млада, смртта на брат ми беше огромна трагедија за нашето семејство, децата ги растев без татко – рече претходно во „Мамавизија“ на „Слободен печат“, Сузана Турунџиева.
Денеска, кога се навршуваат 24 години од загубата на брат ѝ, Сузана на Фејсбук ја сподели песната „Бато“ од Калиопи и напиша: „Бато. Збор што боли и пече полни 24 години“.
„12 ноември 2001… Денот, после кој ништо не е исто… На тој ден животот ми го зеде единственото братче Панде – најдоброто и највредното во нашето племе, ама пак, ми подари неколку скапоцени женски и машки братчиња кои не ме оставија никогаш сама, дури и тогаш кога јас кренав раце од себе“, напиша Сузе во 2023 година.
