Вчеравечер се случи свадбата на ќерката на поранешниот претседател и премиер Бранко Црвенковски. Марија го кажа судбоносното „да“ на нејзиниот партнер, а сега сопруг, Дамјан.
Младите синоќа прославиле во еден од најпознатите скопски хотели во строгиот центар на градот, додека како што пишува Курир на прославата ѝ претходела традиционална забава и земање на невестата од дома.
Убавата Марија носеше нежна, елегантна венчаница без дополнителни украсувања, а на косата – дискретна шнола која го заокружи природниот изглед и дискретната шминка.
Младоженците првиот танц го одиграа на песната „Љубовта е моја религија“ од Каролина Гочева и Владо Јаневски.
Потсетуваме, Бранко Црвенковски со поранешната дама на Македонија, Јасна, го има и синот Љупчо кој неодамна го направи Бранко горд дедо.
