Јелена Спенџарска откри колку ѝ се сменил животот откако станала позрела личност. Во приказната која во неколку дела ја раскажа на Инстаграм, таа ја споменува и љубовта и дека ѝ годи самотијата.
Во приказната која ја нарече „Нивоа на зрелост кои ги достигнва“, таа меѓу другото раскажа:
– Не одам никаде каде што не можам да седнам. Ве молам, не ме канете на настани каде што се стои. Грбот ми е како на 65-годишник. Колената ме болат без причина.
Ако нема каде да седнам, не доаѓам. Да стојам со часови? Тоа е за млади.
Возрасна сум. Никој нема да ме кара. Каде одиш? Надвор. Со кого? Со пријатели. Кога ќе се вратиш? Слободата е поинаква кога ќе сфатиш дека повеќе никому не должиш објаснување.
Најмногу копнеам по мир, не возбуда, не драма, понекогаш ни забава, само мир. Доста ми беше хаос. Мирот ми е љубовен јазик сега.
Секогаш сакам да си одам дома. Не е битно колку е добро друштвото или колку е примамливо да останам – сакам дома. Ми фали мојот кревет. И јас му фалам нему. Најголема љубовна приказна ми е јас и мојот душек.
Има некоја посебна убавина во тоа да се изберам себе – да читам книга, да гледам серија, да прошетам, да трчам или само да дишам во тишина“, рече водителката и инфлуенсерка.
