На наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“).
Овој врвен готвач, гастроном и љубител на кулинарството денес ни открива рецепт за подготовка на Њоки во бел сос со три видови на сирење (козјо сирење, моцарела, пармезан) и свежа смоква.
Малку ни е потребно за насмевка, задоволство и позитивни вибрации, ни вели Бранко.
Потребни состојки:
– 200гр. њоки
– 50мл. маслиново масло
– Морска сол
– 80гр. козјо сирење
– 80гр. моцарела
– 80гр. пармезан
– 200мл. млеко
– 100гр. путер
– 2 лажици пченкарно брашно
– Половина лажичка чили
– Копар
– Жалфија
– 2 свежи смокви
Начин на подготовка
Њоките ги варите околу две минути во вода со неколку капки маслиново масло и морска сол. Во вок тава, растопете путер, додадете две големи лажици пченкарно брашно и мешајте се додека не почне да црвенее и да не се направат грутчиња. Потоа, додјте го млеко, рендано козјо сирење и моцарела и мешајте. Во смесата додадете малку жалфија, чили, копар и две свежи смокви на ситни парчиња. Откако ќе добиете убав кремаст сос ги додавате њоките и листови од пармезан. Готвите уште 2 минути на тивок оган.
Дегустирајте со бело вино темјаника.
Уживајте, октомври и дождот нека бидат причина плус за среќен ден исполнет со насмевки и задоволство.
