На фестивалот „Макфест“, сите се потрудија да изгледаат убаво на сцената, но таа дефинитивно го привлече вниманието на сите, и двете вечери на нејзините настапи.
Станува збор за младата пејачка Лара Иванова која првата вечер заблескала со црно, а втората во златно. Таа на својот инстаграм-профил објави повеќе слики и видеа и напиша:
– Огромна чест и задоволство е да се настапи на ревијалната вечер на јубилејниот 40 роденден на „Макфест“. Благодарам што постоите!
Голем предизвик за еден артист е да може да ги спои танцот и пеењето, а токму тоа е мојата цел и горда сум што со многу труд и посветеност преку овој настап со мојата нова песна „Доминантен“ успеав тоа да го реализирам. Ова е само почеток на едно мое ново поглавје – рече Лара.
Таа последната вечер, заедно со Пајак го испеа хитот „Бела“ кој на Јутјуб има 30 милиони прегледи. Инаку, автор на музиката за нејзината нова песна е Андреј Николов заедно со Лара, текст го напишаа Андреј Поповски и Робин Зимбаков, а аранжманот е на Андреј Николов.
