Носталгична фотографија од Сузана Спасовска се појави на социјалните мрежи. Сликата е многу стара, но многу вредна.
На неа е Сузе национале со својата ќерка Теона, кога била многу мала, на насловната страница на тогашната ревија „Екран“. Сузана е со својот препознатлив оригинален имиџ, а Теона со кукла во рацете.
На 30 септември во 2020 година Сузана Спасовска која е првенка во ансамблот „Танец“ стана баба. Нејзината ќерка на свет ја донесе малечката Клара.
Среќната баба на својот фејсбук профил ја објави нејзината песна „Среќо мајкина“ и со песна ја сподели радосната вест и напиша:
„Дар Божји за родителите и радост голема! На 30ти Септември, на ден празничен се роди мојата внука Клара. Да е жива, здрава, благословена, среќна, насмеана и распеана. Ти благодарам Боже!“. Клара наскоро ќе полни 5 години, а се роди на празникот Вера, Надеж и Љубов.
