Поранешната ријалити ѕвезда и писателка, 37-годишната Ава Карабатиќ, повторно го привлече вниманието на социјалната мрежа Фејсбук објавувајќи емотивна и искрена објава во која се осврна на тешките моменти низ кои поминува по смртта на нејзиниот татко Ивица.
Во објавата, таа, меѓу другото, истакна дека многу луѓе со денови ја користат нејзината фотографија, на која е исцрпена, со темни кругови под очите, направена во моментот кога го загубила својот татко. Иако била исмејувана и понижувана, Ава сега одлучила да ја објави фотографијата и да застане зад неа. „Не се срамам од мојата болка, тага или моменти на слабост. Тоа е дел од мојот живот, моето патување и мојата сила. Без разлика колку исцрпено изгледам на таа фотографија, истите црти на лицето, златниот пресек и моделот сѐ уште се таму. Никој никогаш нема да ми ја поколеба самодовербата“, рече Карабатиќ, која го погреба својот татко, Ивица Карабатиќ, во јуни.
Во својата објава, Ава исто така истакна дека исмејувањето на нејзината тага не престанало ниту по погребот. Некои, вели таа, продолжиле да користат фотографија од неа со тажно лице за да ја понижат.
Таа конкретно се обрати на жените кои ја навредуваат, нарекувајќи ги „кучки кои немаат што да прават освен да чекаат нивните сопрузи да се вратат дома од работа“. Од друга страна, таа им се заблагодари на жените кои се „нормални, домаќинки, католички“ и на оние кои ја поддржале, без разлика дали на улица или преку нивните очи.
Ава призна дека не секогаш ги донесувала најдобрите одлуки во животот, но дека секогаш стои зад своите постапки. Таа се присети дека отишла сама да живее во Задар, работела во дом за стари лица, учела латински и италијански јазик и ги завршила сите испити на време. „Ако оваа слика ве навредува, нека биде така. За мене, таа само покажува дека станувам посилна од секоја темнина“, заклучи таа.
