Децата на војводите од Сасекс – тригодишниот Арчи и едногодишната Лилибет – ги добија титулите принц и принцеза. Тоа го пренесува Мирор.
На официјалната веб-страница на кралското семејство на Велика Британија се појавија промени. Сега, поточно од денес, пишува дека децата на војводата и војвотката од Сасекс отсега ќе ги носат титулите принц и принцеза и така се наведени.
Меган Маркл и принцот Хари за прв пат ја објавија новата титула во најавата за крштевката на нивната ќерка.
„Принцезата Лилибет Дијана беше крстена во петокот на 3 март од надбискупот на Лос Анџелес, свештеникот Џон Тејлор“, изјави портпаролот на парот.
Според правилата на кралското семејство, децата на војводата и војвотката од Сасекс добиле право да се нарекуваат принц и принцеза по смртта на Елизабета Втора, кога нивниот дедо Чарлс III станал нов крал на Велика Британија.
Принцот Вилијам и кралот Чарлс не беа на крштевката на Лилибет.
