Дани Димитровска, по свадбата која се случи во саботата со нејзиниот сакан Горан Веселиновски- Весел кој е поранешен кошаркар, замина од Скопје да се одмори на едно убаво место.
На најважниот ден од нејзинит живот, пејачката блесна во две уникатни венчаници во нејзин стил. На свадбата која повеќе беше како забава пееше нејзиниот колега Ѓоко Танески, со поп и рок хитови.
Она што е најемотивен дел е танцот на невестата со една важна личност, а тоа е нејзиниот син Лазар. Еден од пријателите објавил слика од Дани како танцува со синот.
Дани инаку одржа концерт само еден ден пред свадбата, а за да се одмори од сите настани, таа замина на чист воздух, во Маврово, и објави слики од таму. Пејачката на сторињата на Инстаграм порача дека треба да уживаме во малите нешта.
Весел ја запроси Дани во јуни минатата година, а пејачката тогаш со голема радост ја објави фотографијата на Инстаграм, гордо покажувајќи го свршеничкиот прстен.
