Еден месец пред неговата ненадејна смрт, пејачот Арон Картер ја ставил својата куќа на продажба за да започне „ново поглавје“ во животот, пренесува People.
34-годишниот пејач го ставил својот дом во Ланкастер, Калифорнија за продажба кон крајот на септември 2022 година. Една недела пред неговата смрт, Арон Картер објави скриншот од својата реклама на својот личен блог, намалувајќи ја цената за 30.000 долари.
Selling my 2nd home. Real estate has been super good to me. Ready for a new chapter in my 3rd home which I plan on staying to make a beautiful life for my family. This year has been super tough but I’ve learned so much. Thanks for the support everyone. https://t.co/B1x66wMnvC pic.twitter.com/0FhQmNUuMZ
— AARON CARTER (@aaroncarter) October 29, 2022
„Ја продавам мојата втора омилена куќа. Подготвен за ново поглавје во мојот трет дом каде планирам да останам за да живеам прекрасен живот со моето семејство“, напиша Картер.
Пејачот додаде дека оваа година му била многу тешка, но научил многу и им се заблагодарил на претплатниците за поддршката.
Во 2020 година, Арон Картер се сврши со манекенката Мелани Мартин, а една година подоцна го добија синот Принц.
На 5 ноември 2022 година, Арон Картер беше пронајден мртов. Според таблоидот ТМЗ, телото на пејачот било пронајдено во кадата на неговата куќа.
Пејачот, ТВ водител и помладиот брат на Ник Картер од Бекстрит Бојс се прослави во доцните 1990-ти. Во текот на својата кариера, Арон Картер објави четири студиски албуми, од кои првиот излезе кога имаше само 9 години.
