Бијонсе прави неочекуван потег преку СМС порака, што е прикажано во последната епизода на „Хари и Меган“, серијата на Нетфликс која ја раскажува приказната за Меган и принцот Хари. Епизодата навлегува (и) во она што се случило откако Меган и Хари се отворија во интервју за Опра во март 2021 година, следејќи ја двојката следниот ден додека се справуваат со последиците. Двајцата седат еден до друг кога Меган истакнува дека луѓе ѝ се јавуваат цел ден и дека штотуку добила порака од Бијонсе.
Меган, долгогодишна обожавателка на пејачката, изразува одредена вознемиреност и радост:
„Сè уште не можам да верувам дека знае која сум јас“, му вели на Хари.
Потоа Меган гласно го парафразира текстот: „Таа рече дека сака да се чувствувам безбедно и сигурно. Се восхитува на мојата храброст и ранливост и смета дека сум избрана да ги прекршам генерациските клетви што треба да се излечат“.
Бијонсе веќе ја изрази својата наклонетост кон Меган кога таа и Џеј Зи го држеа портретот на Меган во позадината додека ја примаа наградата Брит за нивната песна Apeshit во февруари 2019 година. Потоа, во јули, двата пара се сретнаа лично на Лондонската премиера на „Кралот лав“. За време на состанокот Џеј Зи наводно ѝ рекол на Меган: „Најдобриот совет што можам да ти го дадам: секогаш најди време за себе“.
