Актерката Ева Мендес ги потврди гласините за тајната венчавка со актерот Рајан Гослинг, со кој е во врска повеќе од 11 години и има две ќерки, пренесува Дејли меил.
48-годишната ѕвезда на филмот „Брзи и бесни“ беше гостинка на телевизиското шоу „Тудеј“. За време на разговорот со водителите Карл Стефанович и Алисон Ленгдон, Ева Мендес зборуваше за семејното патување во Австралија и „случајно“ го нарече Рајан нејзин сопруг.
„Сите овде се толку добредојдени, а мојот сопруг Рајан е тука, одлично се забавуваме“, рече актерката.
Гласините дека актерите имала тајна венчавка се појавија на социјалните мрежи откако Мендес на својот Инстаграм профил објави фотографија на која се гледа нова тетоважа на нејзиниот лев зглоб со зборовите „де Гослинг“. Во шпанската култура, мажените жени го додаваат презимето на својот сопружник на своето, користејќи ја честичката „де“.
View this post on Instagram
Рајан Гослинг и Ева Мендес се заедно 12 години. Двојката има две заеднички ќерки – 8-годишната Есмералда и 6-годишната Амада.
View this post on Instagram
