Актерката Емра Куртишова сподели емотивен колаж од фотографии со својата ќерка Лена, со посебен повод. Малата Лена прослави роденден, а гордата мајка на Инстаграм напиша:
– Среќен роденден мајкино. Секоја фотографија – една мала приказна за љубовта наречена Лена.
Емра Куртишова пред повеќе од две години се омажи со својот колега од „Театарот за деца и младинци“, Петар Стојанов.
Двојката се венчаше по три години врска, а свадбата беше во Гевгелија, од каде што потекнува Петар. Брачниот живот им годи и не кријат дека се среќни, а тоа што заедно работат, уште повеќе ги зближува, рече Емра за „Слободен печат“, која публиката ја засака како Исаура во серијата „Преспав“.
– Слободно можам да кажам дека пред бракот бев разгалено второ дете на мама и тато, но работите се сменија. Промена има, станувам поодговорна за сè она што треба, веќе не им придавам значење на нешта што знаеја да ме пореметат во главата – изјави актерката во истото интервју.
Актерите Емра Куртишова и Петар Стојановски стана родители четири месеци откако направија свадба и ја изненадија јавноста, бидејќи популарната Исаура од „Преспав“ ја криеше бременоста. Малата Лена наполни две години.
