Во неделата се одржа натпреварот помеѓу Новак Ѓоковиќ против Данил Медведев, кој требаше на Ѓоковиќ да му ја донесе 21. грен слем титула во кариерата.
Иако овој пат среќата не беше на страна на познатиот српски тенисер, сепак, Ноле ја научи целата планета една од најважните животни лекции – секогаш и секаде е важно да се биде човек.
Во блескавата кариера која заслужува длабок поклон, Ноле имаше стотици подеми и падови. Но, за разлика од многумина, никогаш не дозволи поразот целосно да го скрши, а победите толку го возвишија што почна да ја иритира светската јавност.
Зошто животната филозофија на Ноле е секогаш со победнички карактер, дури и кога губи на теренот?
View this post on Instagram
И мажите плачат
Иако некои го критикуваа дека се однесува како робот на теренот, тоа едноставно не е точно. Тоа го докажа и по последниот одигран натпревар, кога не можеше да ги задржи солзите.
Ноле безмилосно ги руши предрасудите дека „мажите не плачат“. Кога во некоја желба внесувате голема енергија, знаење и надеж, без разлика што и да правите, кога нема да го добиете посакуваниот резултат, солзите се сосема природна појава.
Ако Ноле може да плаче пред камера, зошто некој од нас би се срамел од своите солзи?
View this post on Instagram
Не мора сите да ве сакаат
Колку пати се случило Ноле да излезе на терен, а публиката што го поддржува неговиот противник во најмала рака да биде груба? Свирежи, непристојно фрлање, деморализација уште пред да го земе рекетот во раце…
Вистина е дека пораките на омраза можат да влијаат на концентрацијата и да деморализираат кога „излегуваме на терен“. Но, исто така е одлична уметност да научите како да ги игнорирате демотивирачките пораки.
Ноле тоа очигледно добро го знае. И ние сме сигурни дека тој не ја научил оваа тешка лекција со леснотија. Сепак, тој знае дека не мора секогаш сите да го сакаат.
View this post on Instagram
Нервозата е во ред
Секој во светот, дури и Ѓоковиќ, понекогаш има „лош ден“. Како на пример кога го изгуби сетот, па мечот, па го скрши рекетот и беше казнет за неговата агресивна постапка.
Но, Ноле речиси никогаш не го држи во себе она што ќе го извади од такт. Наместо „да молчи и да проголта“, како многумина, тој едноставно се ослободува од лошите емоции. Сме го виделе лут, повреден, сме го виделе кога го боли некоја неправда, но сме го виделе и среќен.
View this post on Instagram
Не е тешко да се биде фер
Максимата „Важно е да се учествува“ на теренот одамна престана да важи, особено во професионалните спортови каде се „вртат“ милиони евра.
Но, кога ќе ги оставиме парите настрана, сфаќаме дека сите „играме за победа“ во животот. Понекогаш животот, околностите, лошата среќа, неправдата, подобриот противник… си го прават своето.
View this post on Instagram
Што прави Ноле кога губи?
Се приближува и му подава рака на својот противник. Многумина можеби нема да обрнат внимание на тоа и не се обидуваат да се стават во неговата кожа. Колку му е тешко тогаш, веројатно знае само тој. Но, Ноле извлекува поуки од секоја животна ситуација.
Извор: Телеграф
