Една посебна слика објави ТВ презентерката Билјана Дебарлиева, со својот сопруг Јован со кого во октомври ќе прослави 31 година брак.
Билјана и Јован се сликани на прослава, двајцата дотерани и насмеани, а сликата, иако нема опис покажува колку уживаат во секој момент поминат заедно.
Животот со сопругот со кој има две деца, Ана и Мики кои се веќе возрасни, таа го опиша во неколку реченици во едно интервју за „Слободен печат“.
„Тој е духовит, дружељубив, креативен, полн со идеи, авантурист. Знае да ме насмее и да ме расположи и во ситуации кога не ми е до смеење, поддршка ми е во секој момент, во секоја ситуација и во секоја моја одлука.
Заедно уживаме во животот, во убавата музика, во убавото црвено вино и двајцата имаме искрена, чиста и безрезервна љубов кон животните“; рече Билјана.
Таа е водителка на емисијата „Фактор здравје“ на ТВ 24, откако во 2022 година, по 11 години си замина од телевизијата Канал 5.
