Кога станува збор за љубовта, холивудската актерка вели дека има уште време да ја пронајде својата сродна душа и дека не се откажува.
Во интервју за „People“, каде што ја промовираше новата сезона на серијата „The Morning Show“, таа зборуваше и за љубовта, откривајќи ја својата позиција за односите меѓу славните и анонимните луѓе.
View this post on Instagram
На прашањето на водителката на „The TV Show!“, Кеј Адамс дали може да успее врска помеѓу славна и анонимна личност, Џенифер Анистон искрено одговори.
„Нормално дека може. Апсолутно. Па, тоа се случило и порано. Некако се надевам дека ќе најдам некој што не е од „индустријата“. Тоа би било навистина убаво“, вели 52-годишната актерка.
View this post on Instagram
Џенифер ги коментираше и најновите гласини во медиумите за нејзината наводна, тајна врска со нејзиниот колега од серијата „Friends“, Дејвид Швимер.
„Не можам да верувам дека некому му паднало на памет. Па, тој ми е како брат. Но, ги разбирам донекаде тие гласини“, рече Анистон, која уште во јуни призна дека никогаш нема да користи апликации за состанување.
View this post on Instagram
„Ќе се држам да ги најдам моите партнери во реалниот живот. Сакам да запознавам луѓе кои ќе ме поканат на состанок“, призна таа додавајќи дека сонува за идеален партнер, но не и за друг брак, што не е изненадувачки, бидејќи зад себе има два брака.
Џениер Анистон беше во брак со холивудскиот актер Бред Пит од 2000 до 2005 година и со Џастин Теру од 2016 до 2018 година.
