Мажот Љуба Н.(32) е уапсен поради сомнение дека на 16 март во село Радоево кај Зрењанин, Србија, провалил во куќата на соседката (68), која најпрвин ја претепал, потоа ја полевал со вода и ја мачел со часови, а на крајот ја силувал и ја ограбил.
Како што дознаваат српските медиуми, лисици биле ставени и на неговиот млад братучед (17), кој учествувал во монструозното насилство, но не и во силувањето.
Злосторството се случило вечерта, кога пред куќата на жената наводно осомничените биле донесени од двајца соучесници, по кои полицијата трага.
-Жената живее сама во куќата, а тоа го знаеле осомничените бидејќи и се соседи. Прво почнаа брутално да ја удираат со раце и нозе, заканувајќи и се дека ќе ја заколат и ќе ја остават без ништо – вели извор за српски „Ало“.
Како што додава изворот, постариот осомничен потоа отишол чекор понатаму.
– Ја соблекол жртвата и со нож и изрежал иницијали на телото. Жената врескала и повикала помош, но никој не ја слушнал. Тоа траеше речиси цела ноќ – додава соговорникот на „Ало“.
На помош ѝ пришол соседот Бојан Фелбаб кој за „Ало“ вели дека нашол страшна глетка.
– Соседот кој живее од другата страна ме разбуди еден ден подоцна во шест часот наутро. Нападнатата соседка дојде кај мене и видов страшна глетка. Беше завиткана во ќебе, а насекаде имаше крв. Ми рече да се јавам на соседот кој се грижи за неа и кој нормално и помогнал и ја однел во болница. Токму тој повика полиција и Брза помош – изјави Фелбаб.
Полицијата веднаш привела двајца осомничени, додека потрагата по двајцата од автомобилот се уште трае.
Жената била пренесена во болницата во Зрењанин каде и биле констатирани бројни повреди. Лекарите со детална анализа подоцна утврдиле дека била силувана.
На осомничениот Љуба Н., му е одреден притвор до 48 часа, по што ќе биде сослушан во Вишото јавно обвинителство Зрењанин. Малолетникот пак, е изведен пред судијата за малолетници на Вишиот суд во Зрењанин.
Патем, како што дознава „Ало“, Љуба Н. бил во затвор во Романија.
