Данијела Мартиновиќ има нова песна „ Верувам во луѓето“, за која вели дека е ода на доброто што живее во секој човек.
– Некогаш треба се да се размрда, се да се сруши за да блесне непречено, во секој од нас. Цврста прегратка, сигурност, убав збор, убав гест, малку добрина, малку разбирање. Никој и ништо не може да не спречи да бидеме благородни. Има и друг начин, посебно мене ми е драг, тоа се добри желби и добри намери. Можеме да ги испратиме на секого, каде било, во секое време… И знаете што, поштарот на добри желби и намери секогаш знае да ги достави на вистинската адреса во совршено време. Верувајте, знам, и самата пробав – изјави Данијела Мартиновиќ.
„Верувам во луѓето“ е напишана од композиторот, гитарист и продуцент Зоран Мишолонгин, кој стои зад музиката и текстот, аранжманот е на Томислав Модриќ.
