Пејачката Цеца Ражнатовиќ, во разговор за партнерските односи во својата емисија, искрено призна дека „јас навистина го проверував телефонот на мојот партнер“. Додека нејзината гостинка Дара Бубамара тврдела дека „таа никогаш не би го направила тоа“, Цеца без двоумење потврди дека веќе го сторила тоа.
Според нејзините зборови, така се чувствува подобро и поспокојно спие.
„Јас гледав, тоа не е забрането со закон. Не е шпионажа. Провери, малку „прелистај“ и полесно се дише. Не морам да правам филмови во мојата глава и да комбинирам нешто што не постои. Така гледаш, сè црно на бело, мирна ти е главата и убаво спиеш“, искрено изјави Цеца во „Цеца шоу“.
Кога гостите на емисијата објаснија дека тие не практикуваат проверка на телефони во своите односи, пејачката имаше подготвен и духовит одговор:
„Вие сте сите во право и затоа сте во врски, а јас сама“, порача Цеца со насмевка.
