Во јануари, Алек Болдвин објави видео на социјалните мрежи во кое вели дека соработува со властите. Актерот инсистира да се дознае вистината и како што вели, ќе направи се за да докаже дека не е виновен за смртта на снимателката Халина Хачинс.
Имено, сега истражителите ќе ги соберат информациите содржани во телефонот и ќе ги достават доказите до шерифот на округот Санта Фе, изјави Хуан Риос, портпарол на округот и со тоа потврди дека актерот Алек Болдвин го предал телефонот на надлежните институции, пренесува „CNN“.
Судијата за прекршоци во Санта Фе, Дејвид Сегура, на 16 декември го одобри налог за претрес што ѝ дозволи на локалната полиција да го пребара мобилниот телефон на 63-годишниот Болдвин за докази релевантни за истрагата за убиството на снимателката Халина Хачинс на 21 октомври на
сетот на снимањето на филмот „Rust“.
АЛЕК БОЛДВИН СЕ ОГЛАСИ ПО ТРАГИЧНАТА НЕСРЕЌА НА СЕТ: Моето срце е скршено
Тоа не се случи тогаш, но сега актерот им го предал мобилен телефон на властите во Њујорк, кои им помагаат на колегите од Њу Мексико да дојдат до уредот. Тие се надеваат дека на овој начин ќе дојдат до каков било материјал од телефонот поврзан со истрагата за убиството, а ќе се разгледуваат и избришаните фотографии, видеа, пораки и се што е поврзано со филмот.
