Александра Пријовиќ ја одбележа 2023 година во секоја смисла. Покрај големите концерти кои ги имаше во рамките на турнејата „Од исток до запад“, таа одлично заработи и од неколку настапи на приватни прослави.
Како што дознава српски Курир, некои фирми и бизнисмени не штеделе за да ја доведат Прија да им ја надополни прославата со нејзините песни, па пејачката имала настапи во Белград, и за три вечери пред новогодишната ноќ заработила 100.000 евра за еден час пеење.
Судејќи според овие податоци и бројки, јасно е дека Александра максимално ја искористила својата моментална популарност.
Инаку, пејачката ги сведе на минимум настапите во клубовите за целосно да се посвети на концертите во салите во регионот и со тоа вистински да го оправда епитетот „концертна пејачка“.
Дека успеала во намерата говори и тоа што, според извори на српски Курир, Прија на 8 март ќе пее и во Подгорица, во салата на Спортскиот центар „Морача“, каде концерти одржаа најголемите естрадни ѕвезди на време во осумдесеттите и деведесетите, како што се Лепа Брена, Бијело дугме и многу други.
