Хрватската старлета и поранешна ријалити-учесничка Ава Карабатиќ објави дека е бремена, откако направила тест за бременост. Веста ја сподели со своите следбеници на социјалните мрежи, каде што редовно ги открива и убавите и тешките моменти од својот живот.
„Бремена сум, штотуку направив тест, во шок сум…“ – напиша Ава на својот фејсбук-профил.
Подоцна проговори и за регионалните медиуми, откривајќи дека сè уште се привикнува на новата ситуација.
„Сè уште сум во шок и малку ми е смешно, но тоа е реалноста. Во животот често сум правела погрешни избори, а сега едноставно се препуштив на моментот. Пред две недели дознав и навистина сум многу среќна“, изјави старлетата.
Ава откри дека детето го очекува со човек со кој претходно била во врска.
„Тоа не е човекот за кој мислев дека ќе бидам со него, но е моја љубов од младоста. Некои работи се случуваат кога најмалку очекуваме. Не посакувам брак, ова се случи спонтано. Нема да го чувам детето сама – тука е мојот пријател од детството и уште еден близок пријател. Случајно дознав, имав некои здравствени проблеми“, објасни таа.
На прашањето дали посакува момче или девојче, Ава искрено одговори:
„Би сакала син. Ќе го крстам по мојот татко – Иван.“
