Шеф Никола од „Брза кујна“ го сопрела полиција и направиле претрес на неговото возило откако им рекол дека има ножеви.
Целата приказна, познатиот готвач ја раскажа во подкастот „Биди свој“ каде што гостуваше со шеф Кирил Ивамов, а откри и други детали од неговата кариера.
-Јас без нож дефинитивно не можам. Тоа ми е окупација, пасија, купувам цело време ножеви. Никаде не тргнувам без ножеви, во кола имам сега сигурно десет ножеви. Ми се случило да ме сопре полиција, на некоја рација во Скопје, интервентна.
Со фантомки доаѓаат: „Дали имаш нешто да пријавиш во гепек“. Велам дека имам ножеви. „Иии, ножеви“. „Ама јас сум готвач, застанете“. Додека ме познаат кој сум, што сум. Отвараат, вистина ножеви. Јас ги имам спакувано како што треба, алат ми е тоа како мајстор некој што работи со штрафцигер- рече Никола Мишковки.
-Како работник можам да издвојам еден куп моменти каде што како што кажав зошто мажите и жените не можат да ја издржат оваа професија, Тензично, во кујната е дефинитивно тензично. Вие не знаете во кујната пред Нова година како е, има премногу работа – додаде готвачот.
