Професионалниот спортист Алекс Родригез беше свршен со Џенифер Лопез и дури двапати ја откажуваа венчавката поради пандемијата. На крајот ништо од тоа не се случи, туку Џен и се врати на старата љубов. Сега Родригез првпат по раскинувањето проговори за Џеј Ло во шоуто „Who’s Talking to Chris Wallace?“.
„Прво, би сакал да кажам дека ми е драго што никогаш нема да бидам претседателски кандидат бидејќи би ме убиле со прашања“, на шега одговорил Родригез, а потоа продолжил:
„Тоа беше убаво искуство, но не потраја. Како и да е, им посакувам се најдобро на нејзините деца, се уште се грижам за нив“, му открил Родригез на ТВ водителот Крис Валас.
Алекс и Џенифер двапати ја откажауваа својата венчавка поради пандемијата, првата беше планирана за 2020 година. Покрај тоа, се шпекулираше дека Родригез ја изневерил Џеј Ло со Медисон Лекрој.
По раскинувањето, парот даде заедничка изјава: „Сфативме дека сме подобри како пријатели, ќе продолжиме да работиме заедно на проекти“.
