Шерон Бел од Хертфордшир е обвинета дека го прогонувала Дејвид Бекам и неговото семејство, пишува Daily Mail. Таа ќе се појави на суд во Вестминстер следната недела за да се соочи со обвиненијата. Очигледно чашата се преполнила кога таа се појавила во домот на Бекамови во западен Лондон.
Портпаролот на метрополитенската полиција потврди дека Бел е обвинета за следење.
„Прекршоците се случија помеѓу јули и октомври 2021 година. До семејството беа испратени многу писма и тие беа предмет на голем број несакани средби дома и на училиште“, изјави тој.
Имено, минатата година таа се појавила во училиштето во кое оди ќерката на Бекам, Харпер, претставувајќи се како мајка на друг ученик и сакала да ја запознае.
Шерон Бел наводно се обидела да стапи во контакт со семејството Бекам уште во 2016 година, кога тврдела дека е мајка на едно од четирите деца на Дејвид Бекам.
Се претпоставува дека Дејвид прв пат добил писмо од Бел на 9 јули, а втората порака ја добил во септември на неговата адреса во Лондон.
Помеѓу јули и ноември минатата година, Бел наводно често се појавувала на приватните престојувалишта на семејството и била пријавена дека чека пред училиштето на едно од децата.
Во моментов на сила е привремена забрана во времетраење од пет месеци за пристап на Шерон Бел во радиус од 500 метри од вилата на семејството Бекам во Оксфордшир и училиштето во кое учи Харпер, а на рочиштето следната недела ќе биде одлучено дали е неопходен траен налог за заштита од следење.
