Една од најголемите музички ѕвезди на овие простори, Здравко Чолиќ, ја отвори душата за „Блиц“ и проговори за своите чувства, размислувања за кариерата и својот препознатлив стил.
Иако беше познат по своите шиени костуми кои се истакнуваа на сцената, Чолиќ призна дека денес повеќе не посветува толку внимание на стајлингот.
„Не сум нешто посебно стилизиран. Ова е евтин костум од Бос, обично одело“, изјави познатиот пејач, нагласувајќи дека минато е времето кога патувал во Англија за да купува скапи костуми.
„Важно беше на бината да имаш шиено одело, да биде сценско, блескаво. Но, како што старееш, сè се менува – животот, стилот… Се надевам дека во позитивна насока. Во смисла на некаква зрелост, дружења, но и кариера.“
Жали што не издава нови песни почесто
Според неговите зборови, порано било важно да се истакне со сценографија, додека денес се фокусира на зрелоста и уживањето во дружењето.
Чолиќ исто така зборуваше за тоа како ретко објавува нови песни и за што најмногу жали:
„Жал ми е што ретко издавам ЦД-а. Не знам дали е поради соработниците, продуцентите… Но и јас последниве години сам пишувам песни. Порано правевме плочи за три месеци, а сега сè оди побавно. Тоа ми е жал. Би сакал да има повеќе нови песни. Има песни кои помладата публика повторно ги открива. Во 90% од случаите песните подобро звучат во живо отколку на снимка“, изјави Чолиќ.
Тој додаде дека понекогаш му се случувало да пропушти некоја песна, а подоцна таа да стане хит:
„Секогаш може да ти промакне песна – да не ја препознаеш на време. Потоа некој друг ќе ја открие, ќе му одговара повеќе и ќе ја претвори во хит. Тоа се случува.“
Кариерата на Чолиќ, која трае со децении, е доказ дека добрите песни остануваат релевантни и сакани без разлика на промените во музичкиот свет.
