Принцот Вилијам и неговата сопруга пред некој ден го тужеа магазинот „Татлер“ поради непријатниот текст за нив наречен „Кетрин Велика“, а интересно е тоа што уредник на овој весник е некогашниот близок пријател на војвотката.
Како што велат извори блиски на кралскиот пар, војвотката од Кембриџ тешко го поднела овој текст пред се затоа што неговото објавување го дозволил Ричард Денен, нејзинот пријател од студентските денови.
Кејт и Денен се запознале на Универзитетот Сент Ендруз и станале многу блиски пријатели кои постојано патувале заедно.
„Кејт остана повредена и многу се потресе. Многу непријатно“, рекол за медиумите извор близок на војвотката. „Но, се чувствува и изневерено бидејќи Ричард е нејзин пријател уште од Сент Ендруз. Кејт тоа не го очекуваше. Има многу прашања без одговор, посебно кој ги кажал сите тие работи на Татлер, бидејќи нејзините вистински пријатели никогаш не би зборувале така за неа“.
Инаку, Денен во 2015 година дури објавил и стара фотографија од Кејт Мидлтон на друштвените мрежи, а потоа ј аизбришал. На неа идната кралица се гледа како јаде сендвич на аеродром, а тој напишал дека тоа било пред нејзиниот живот да стане сериозен додека војвотката се уште јадела печеница и летала со економска класа.
Не е познато кога се раздалечиле Кејт и Денен, а тој бил и помеѓу поканетите на нејзината венчавка со принцот Вилијам во 2011 година. Во годините кои следеле, во неколку наврати давал изјави за Кејт.
Пред неколку дена, британските медиуми јавиле дека принцот Вилијам и Кејт Мидлтон го тужат Татлер поради „груби и сексистички“ приказни. Овој текст започнува со пофалби и ја нарекува војвотката една од највлијателните жени на светот, но поголемиот дел е негативен.
