Граѓаните на Србија вечерва го пречекаа Новак Ѓоковиќ по неговата нова, седма титула на Вимблдон. Свечениот пречек пред Стар двор во Белград започна пред илјадниците насобрани навивачи.
„Ова се дефинитивно најубавите моменти во мојот живот, кога имам благослов да се занимавам со спортот кој толку многу го сакам, во кој имам толку многу успех и можам да дојдам да го прославам со вас. Ви благодарам на сите што се појавивте вечерва, што дојдовте вечерва. Многу српски тробојки, млади, деца, тоа ми го исполнува срцето. За вакви моменти вреди да се живее, да се работи, да се игра професионален тенис. Ова се моментите кои се незаборавни. Трофеите се трофеи, но јас секогаш ќе го носам овој впечаток во моето срце“, изјави Ѓоковиќ, а пренесуваат српските медиуми.
По краткото обраќање до публиката, Ѓоковиќ фрли неколку потпишани тениски топчиња во публиката. Ѓоковиќ заедно со Тијана Рајковиќ ја отпеа и песната „Една земја, еден тим“, по што ја поздрави публиката со зборовите: „Се гледаме, до следниот пат“.
