Што може да очекувате ако ги дадете клучевите од вашиот дом на пријателите?
Хм…сешто. Во зависност од тоа какви ви се пријателите кои, нели, вие сте си ги избрале за пријатели.
Па така, ако сте Калиопи, на пример, може да очекувате дека вашите пријатели имаат слична душа на вашата, дека се срдечни, насмеани, уметници се или љубители на уметноста…Се разбира, и многу креативни.
Се враќате од пат, Баба Мразици ве чекаат на аеродром, а штом стасувате дома – станот не ви е празен. Некои си слават роденден во вашиот стан. Ама, го слават вашиот роденден. Чекајте, чекајте…тоа не се некои! Тоа се вашите драги пријатели кои мислат на вас и кога сте далеку од нив. А меѓу нив, и вашиот, опс, бивши партнер, односно сопруг (беа во брак од 2004 до 2011 година). Со полно срце што ве гледа на влезната врата. Или, можеби не е веќе бивши?
Видеото може да го погледнете ТУКА.
„Ако ги дадете клучевите од вашиот стан на вашите најдобри пријатели, тогаш можете да очекувате сѐ по враќањето од вашето патување! Еве што ми се случи синоќа! Повторно го прославија мојот роденден и новата година затоа што бев далеку од нив… И ако треба да просудам за годината според нив, оваа ќе биде прекрасна! Фала му на Бога за добрите луѓе околу мене!“ – забележа поп пејачката.
