Досега се изначитавме за странските ѕвезди како изгледаат прекрасно и покрај тоа што веќе почнале да ја ситкаат 40-тата, но ако размислиме подобро такви примери можеме да сретнеме и на нашата јавна сцена.
View this post on Instagram
Прва што ни паѓа на памет е нашата познатата водителка, пилатес инструктор а во последно време и инфлуенсерка Снеже Велков, сопруга и мајка на две деца која активно вежба, вози велосипед, а подолг период е веган и креира здрави и вкусни рецепти кои ги споделува со своите следбеници.
View this post on Instagram
Вчера, Снеже го прослави својот 40-ти роденден. Водителката на социјалните мрежи сподели фотографии од роденденската прослава. Балони, ружи и прекрасна роденденска торта на која беше испишан бројот 40 и нејзиното мото под хаштагот – блескај. Едноставно, Снеже блеска, како однадвор така и однатре, благодарние на здравиот и активен начин на живот по кој се води водителката.
View this post on Instagram
„Jа загризав 40! Признавам убави беа и дваесеттите.Создавањето на семејство го терав по стара програма. Се си завршив до 29. Паралелно терав и кариера во Бекстејџ. Триесетите пак, беа резервирани за големите кариери успеси и проектите како Х Фактор, Големиот брат и VIP на еден ден. На триесет и кусур, станав и пилатес инструктор ама и сопственичка на хаштагот #блескај а од пред три години добив и повреда на коленото која пак ми го донесе точакот како лек. Сега кога веќе нема да имам ни 2 ни 3 напред во годините редно е да кажам…Фала им на мама Цвета и тато Здравко што веруваа во мене и ја пуштија мојата своеглавост да стигне таму каде што сакав во овие 40 години“, напиша Снеже дополнувајќи:
„Што би се рекло сите во фамилија инженери, а Снеже – Да е жива и здрава. Фала им на оние кои не веруваа во мене заради кои станав посилна, подобра и поуспешна. Фала им на пријателите кои се тука до мене за да ме бодрат и тогаш кога не сум силна не сум добра и не сум успешна. Фала им на сите кои намерно или случајно ми се појавиле во животов овие 40 години-секој бил тука со причина,со тест или како лекција. А најмногу Фала на моите тројца неверојатни човечиња: Дарко, Дарин и Ален. И за крај да си кажам: 40 (и со букви)ЧЕТРИЕСЕТ Доволно многу сте за да не не можам да се вадам на младоста од дваесетите. Доволно звучни сте да не можам да се повикам на неискуството од триесетите…Ама и доволно многу сте да немам време за чекање…‼️ За се останато малку сте. Дури сега земам залет“, напиша Снеже во своеото долго е и емотивно обраќање кон своите следбеници, пријатели, роднини и секако семејството.
