Британската јутјуб-ѕвезда Емили Хартриџ загинала откако ја удрил камион додека возела електричен тротинет, а со тоа е доведена во прашање безбедноста на овие тротинети како превозни средства.
Таа го водеше популарниот канал „10 причини зошто“. Најпрво полицијата не го соопштила идентитетот, но нејзините пријатели и момчето потврдиле дека загинала на прометна улица, откако во неа удрил камион.
Ова е прва смрт во Британија, а најверојатно и во Европа која вклучува електричен тротинет. Во исто време, уште еден тинејџер е во критична состојба поради несреќа со електричен тротинет.
Поради ова Велика Британија ќе ја преиспитува безбедноста на тротинетите, како и ограничувањата каде тие смеат да се движат.
