Добриот избор на фризура која одговара на вашиот облик на лицето ќе биде уште поефективна доколку е искомбинирана со тренди боја за коса, која е во склад со вашиот тен и останатите физички карактеристики на лицето.
Денеска има разновидни начини за стилизирање на косата, а бојата за коса е еден од најважните. Освен бојата, важна е и техниката на нијансирање.
Ова се трите нијанси кои се најпопуларни оваа пролет:
Чоколадна торта
Се работи за нијансирање и извлекување прамени со различни тонови на кафеавата боја, такашто се добива впечаток дека косата наликува на десерт. Најдобро е на темната кафеава боја да се додадат прамени или балајаж во посветла нијанса со бакарен тон.
Десерт со цимет
Ова е комбинација на кафеави, сиви и руси прамени, кои се преплетуваат како познатите ролнички со цимет. Им стои и на оние кои се природни бринети, но и на русокосите. Овој изглед е одлична комбинација и на топли и на ладни тонови, во кои и израснатиот корен одлично се вклопува.
https://www.instagram.com/p/Bu37m2zFPGU/?utm_source=ig_embed
Скандинавска руса
Нијансата на Даенерис Таргаријан е инспирација за новиот тренд, во кој платинесто русата коса се комбинира и со жолти и со сиви прамени, со цел да се добие повеќедимензионална белина. Единствено, потребни се неколку часови кај фризер за да се постигне ефектот.
