Во магазинот „Chi“, кој е во сопственост на поранешниот премиер на Италија, Силвио Берлускони, биле објавени полуразголени слики од војвотката од Корнвол, Камила Паркер-Боулс.
Се верува дека фотографиите се снимени за време на нејзино крстарење на јахта во Сардинија.
Таа уживала неколку дена бред да се врати во Балморал. За тоа време успеале да ја снимат папараци. За среќа, овие фотографии уште не се појавиле на интернет. Кралското семејство овој потек го оценува како скандалозен и нарушувачки за приватноста на војвотката.
За потсетување, токму магазинот „Chi“ во 1997 година ги објави последните фотографии на принцезата Дијана на кои може да се види жива, непосредно пред несреќата во која таа го изгуби животот.
