Според пишувањата на американските медиуми, некогаш најпопуларната брачна двојка, Анџелина Џоли (43) и Бред Пит (55) и официјално се разведе.
Анџелина поднесе барање за развод уште пред две и пол години, а по долгата постапка, во која главна тема беше старателството над нивните деца, сепак Анџелина го доби старателството над шесте деца (биолошки и посвоени), а Бред Пит од судот доби само детално утврден план за поминување на времето со децата.
За тоа како е распределен нивниот имот, се уште не е запознаена јавноста.
Двајцата актери се запознаа во 2005 година за време на снимањето на филмот „Господин и госпоѓа Смит“. Бред Пит во тој момент беше во брак со актерката Џенифер Анистон, но набрзо потоа ја напушти поради Анџелина.
Љубовта официјално се распадна во 2016та по многубројните скандали, кавги и јавни препукувања.
