Шарлиз одлучи уште еднаш драстично да ја промени фризурата и целокупниот изглед…
Актерката Шарлиз Терон изненади многумина кога на овогодинешното доделување на Оскарите се појави со неочекувано кратка боб фризура со темноплава боја, а сега се одлучи уште еднаш да ја промени фризурата.
Шарлиз се појави на премиерата на филмот Long Shot во Њујорк во елегантно црно Dior одело, а целото внимание беше насочено кон нејзината нова фризура со шишки.
Црвениот руж за усни секако го надополни новиот изглед и придонесе за тоа целиот стајлинг да делува поатрактивно и повпечатливо.
Нејзиниот фризер на својот Инстаграм профил сподели фотографии од подготовката за премиерата и така откри дека сепак станува збор само за привремена фризура и вметоци.
Што мислите за ова модно издание на Шарлиз Терон? Би го пробале и вие?
