Вељко Ражнатовиќ и неговата сопруга Богдана денеска го добија третиот син кого го нарекоа Исаија.
Светлана Цеца Ражнатовиќ со синот Вељко ја посетија својата снаа, а по излегувањето од породилиштето на медиумите им открија како се чувствува Богдана.
– Богдана е добро, благодарам – рече возбудениот татко.
На прашањето на кого личи бебето, кратко одговори со насмевка:
– На Ражнатовиќ – додаде Вељко.
Да потсетиме, гордите родители на момчето му го дадоа името Исаија, што значи „Божја помош“.
Парот го доби својот прв наследник на 6 јуни 2020 година и на момчето му го дадоа името Жељко, по таткото на Вељко, а потоа минатата година нивното семејство стана побогато со уште еден член – Крстан.
– Сега живеам во Тител. Во моментов сум тука додека се подготвувам за натпревари. Се враќам во моето село, градот повеќе нема да ме види. Отсекогаш сонував да имам два сина…ова трето дете е само плус. Се надевам на девојче сега, по синовите – изјави еднаш во емисијата „Премиер-Викенд Специјал“.
