Конечно се објави новата песна на Селена Гомез. Пејачката со емотивната песна и видео запис расплака многумина, бидејќи ја отвори душата и испеа за својата поранешна љубов и колега, пејачот Џастин Бибер.
Песната се вика „Lose You To Love Me“ и станува збор за првиот сингл на пејачката после долгата пауза од четири години.
Селена го упати своето последно „збогум“ на нејзината прва љубов и затвори едно големо поглавје од нејзиниот живот.
Пејачката откри дека се чувствува посилна и има повеќе самодоверба од кога било. Селена пее за еден „токсичен“ однос и врска во која неа некој константно ја повредува.
Дека станува збор за нејзиното поранешно момче Џастин, јасно откриваат стиховите:
„Ме изневери и сега тоа се забележува, за два месеци ме замени, како да е тоа толку лесно, направи да се чувствувам како да го заслужувам тоа“.
Љубовната приказна на Џастин и Селена започна уште во 2010 година и беше навистина турбулентна. Повторно се смирија во 2017 година, но во март 2018 година повторно прекинаа. Истата година во јули, Џастин ја објави својата веридба со Хејли Болдвин. Парот се венчаше во септември 2018 година, а свадбата се одржа дури месецов.
