Јелисавета Сека Саблиќ позната на македонската филмска публика најмногу по улогата во „Викенд на мртовци“ и позната по репликата „Сите ќе умрете, некои после, некои сега, никој не живее вечно… сепак се плаши од смртта.
Познатата актерка искрено зборуваше за глумата, колегите, моменталната состојба и стравот поврзан со новиот коронавирус.
Сека Саблиќ се вклучи во утринската програма на „Прва“, од снимањето на новата серија.
Таа истакна дека се плаши од пандемија на коронавирусот, но нејзината работа и помага помалку да мисли во овие тешки денови.
– Многу се плашам, страшно е, но кога ќе започне снимањето, кога ќе започнам да глумам, тогаш заборавам на сѐ и сум среќна. Глумата отсекогаш била оаза и така остана, рече Сека за „Прва“,
Сека призна дека снимањата се долги, но дека ништо не и е тешко.
– Работам по 10, 11 часа, потоа се враќам дома и повторно наутро во 8, 9 часот на сет. Оди некако, младите се желни за работа, им се заканив дека секој мора да го знае текстот, сè мора да оди како на лента. Ги редам секој ден, јас сум опасна тетка, ги насмеа Сека сите.
