Коронакризата, која силно ја погоди Европа, ќе продолжи уште долго и покрај очекуваната вакцинација, предупреди претседателката на Европската комисија Урсула фон дер Лајен.
Според неа, кризата е далеку од крајот и Европа во моментов е во екот на вториот бран на КОВИД-19. Фон дер Лајен рече дека Европската унија обезбедила повеќе од 2 милијарди дози од потенцијалните вакцини против коронавирусот, преку договори со шест компании.
Според неа, вакцинацијата во ЕУ може да започне на крајот на декември доколку вакцините ги финализираат процедурите за одобрување.
Европската унија генерално се потпира на европски и американски вакцини, иако некои земји-членки преговараат за руската Спутник V, што покажа повеќе од 95% ефикасност.
Сепак, рестриктивните мерки што ги наложи пандемијата се очекува да започнат да се олабавуваат не порано од средината на 2021 година, бидејќи процесот вакцинација се очекува да трае повеќе месеци.
