Три килограми и 260 грамови тежи штотуку роденото кралско бебе, првото бебе на принцот Хари и поранешната актерка Меган Маркл.
Веста за породувањето е официјално објавена на профилот на Инстаграм на војводството од Сасекс.
„Со задоволство известуваме дека војводата и војвотката од Сасекс денеска го добија своето прво бебе, на 6 мај 2019 година. Нивниот син тежи 3.260 кг. Војвотката и бебето се здрави и се чувствуваат добро. Повеќе детали следуваат наскоро“, се вели во објавата.
Штотуку роденото бебе е седмо во линијата за наследство на кралскиот трон.
