Ретка приказна од нејзиното секојдневие сподели Татјана Стојановска, една од најпрепознатливите македонски ТВ презентерки.
Татјана Стојановска со децении важи за синоним за професионалност, елеганција и безвременска убавина, таа беше Мис на Македонија во 1992 година. Но, во видеото кое го покажа објаснува дека зад беспрекорниот изглед во вестите стојат рани будења, дисциплина и многу подготовка. Во своето последно видео таа ги прошета гледачите зад камерите.
Видеото започнува во раните утрински часови, додека поголемиот дел од Скопје сè уште спие. Татјана, во сосема природно издание и без грам шминка, вози кон своето работно место, „Канал 5“ телевизија.
„Додека повеќето сè уште спијат, мојот ден веќе почнал. Додека градот уште спие, јас веќе сум во движење“, открива презентерката во видеото.
Иако јавноста е навикната на армија професионалци околу јавните личности, Татјана покажа дека самата е одличен „мејкап“ артист. Таа ја покажа својата брзинска рутина за шминкање, подготвувајќи се за студиското светло и сериозноста на информативната програма.
„Кога човек работи професионално во една професија и се надградува чекор по чекор, и со искуството кое си доаѓа со годините расте во професијата и почнува да плива сигурно во неа, резултатот е неминовен. Секако за една јавна личност да се одржи толку многу години во професијата, важни се и карактерните особини на личноста. Ненаметливоста, културата во однесувањето и надвор од професијата, поведението, почитта на сите луѓе кои се вашата публика, оставањето позитивен впечаток во опкружувањето, сето тоа е габаритот кој ја издигнува една јавна личност во бренд. Одржувањето на сето тоа не е нималку лесно“, рече Татјана во едно интервју за „Слободен печат“.
View this post on Instagram
