Уште една славна ѕвезда се разведува. Овој пат станува збор за актерката од филмовите „Семејството Адамс“ и „Каспер“, Кристина Ричи. Таа ги предаде вчера сабајле документите за развод на бракот од сопругот Џејмс Хердеген со кој се венчаше пред седум години.
Како што можеме да прочитаме во медиумите, славните се почесто се разведуваат по седум години брак, па многумина токму поради тоа ја сметаат за кобна година.
Ричи барањето за развод го предаде веднаш откако наводно нејзиниот сопруг Хердеген ја нападнал во нивниот дом. Полицијата не го уапсила, а Ричи побарала забрана за приближување за сопругот.
Полициската управа во Лос Анџелес за американските медиуми само потврди дека станувало збор за семејно насилство. Како причина за разводот 40-годишната Ричи ги навела непомирливите разлики, а за нивниот пегодишен син Фреди бара правно и физичко старателство.
