Аланис Морисет порано годинава објави дека е бремена по третпат и тоа откако во 2017 се избори со тешката постпородилна депресија.
Во тоа време, преку Инстграм, објави дека има многу новости кај неа, алудирајќи и на бременоста и на новиот албум.
Аланис мислела дека по второто дете никогаш веќе нема да забремени повторно. На својот третороден син му го дала името Винтер Мерси.
Таа отворено зборуваше за постпородилната депресија, порачувајќи дека во ова време, жените не смеат да се срамат да прозборат за тоа што ги мачи, особено затоа што многу општества раѓањето дете го гледаат како врвен успех и не сфаќаат како една мајка може да биде тажна и болна поради тоа.
